جو تکبیر سے ساری دنیا ہلا دیں| یوم تکبیر اور پاک فوج پر اشعار

جو تکبیر سے ساری دنیا ہلا دیں

وطن کے سپاہی عدو کو مٹا دیں

ہر اک وار دشمن کا سینے پہ کھایا
مگر رب کے دیں کو ہمیشہ بچایا
جو میلی نظر لے کے اٹھا فضا میں
طیارہ ہر اک دشمنوں کا گرایا

دفاع کرنے والے وطن کے سپاہی
ہے تاریخ میں ثبت جن کی گواہی
ہے تعریف جن کی ہر اک کی زباں پر
جو کہلائیں بس دین ِرب کے فدائی

نہ گھر کی فکر جن کے دل کو ستائے
نہ مال اور زر کی ہوس جن پہ چھائے
بہار چمن کے لیے دیں پسینہ
دفاعِ وطن میں لہو کام آے

چلو یوم تکبیر بھی ہم منائیں
دل دشمناں میں بھی دہشت بٹھائیں
جہاں بھر میں ہم سر فخر سے اٹھائیں
ہر اک زخم ملت پہ مرہم لگائیں

جو ایمان و تقوی کے ہتھیار اٹھائیں
یہ رب کے مجاہد یونہی بڑھتے جائیں
جو دن کو فتح کے لیے نعرہ زن ہوں
جو شب کو مصلوں پہ آنسو بہائیں

وطن کے دفاع میں ہیں تیار ہر دم
ہر اک زخم کے واسطے ہیں یہ مرہم
یہ میرے سپاہی یہ جانباز غاذی
نہ کم ہو سکا ان کا عزم مصمم

جو تکبیر سے ساری دنیا ہلا دیں
یہ وطن کے سپاہی عدو کو مٹا دیں

شاعری : سلیم اللہ صفدر

ہم دفاع پاکستان کے لئے ہر دم تیار

اگر آپ پاکستان کے متعلق مزید شاعری پڑھنا چاہتے ہین تو یہ لازمی دیکھیں