زندگی ہے مسکرائی عید آئی | عید شاعری |eid poetry in urdu

زندگی ہے مسکرائی عید آئی
خوشیوں کی رونق ہے بھائی عید آئی

ماہ رمضان کے وہ روزے خوب گزرے
جھوٹ غیبت اور خیانت سے بچے تھے
خالی پیٹ اور خشک ہونٹوں سے جئیے تھے
اب تو ہے برسات چھائی عید آئی

ماہ رمضان کی وہ عادت نہ بھلائیں
دل کو ہم سارے گناہوں سے بچائیں
ہم وہ اذکار و تلاوت کرتے جائیں
دل میں رکھیں ہم سچائی عید آئی

اک مہینے کی مشقت کا صلہ ہے
سب کا چہرہ آج کیسے کھل اٹھا ہے
عیدی ہر اک شخص ہم کو دے رہا ہے
ہے یہ روزوں کی کمائی عید آئی

ہم یتیموں کا بنیں گے آسرا
خوشیاں بانٹیں سب غریبوں میں صدا
پیار و الفت کا نہ کم ہو سلسلہ
خیر و برکت ساتھ لائی عید آئی

زندگی ہے مسکرائی عید آئی
خوشیوں کی رونق ہے بھائی عید آئی

شاعری: سلیم اللہ صفدر

اگر آپ مزید حمدیہ اشعار، نعت شریف یا  شان صحابہ پر کلام پڑھنا چاہتے ہیں تو یہ لازمی دیکھیں

eid ul fitr poetry in urdu text | eid ul fitr poetry in urdu | eid poetry in urdu| eid poetry